Cun ligrëza à le Consëi dla Uniun di ladins dè jö te stamparia le dizionar ilustré por mituns „Mies prömes parores“, n liber rich de dessëgns, formes, corusc y parores da ćiarè, da descurì, da lì, da imparè, da confrontè, da cuntè, da soghé …
Tolon l’idea dal dizionar ilustré conesciü de Richard Scarry, traslatè te düć i lingac dl monn y dè fora inće por ladin dan da passa 20 agn, é l’Uniun Ladins Val Badia stada buna, cun l’aiüt dl’artista Gabi Mutschlechner, de realisé n laûr che se presënta ćiamò plü bel co chël da dandaìa. Le dizionar ilustré nü é n’opera d’ert cun passa 60 dessëgns fać da n’artista, Gabi Mutschlechner, che à desmostrè n gran talënt por la creaziun de dessëgns adatà por mituns. Ara se trata de n laûr important, nia ma por ći che reverda le ladin, mo propi sciöche stromënt cun chël che mituns y jogn po, pian ia da so lingaz dla uma, imparè plü saurì inće i atri lingac che ai mëss savëi da vire te n monn sciöche les valades ladines dles Dolomites.
Cun l’aiüt dl Istitut Ladin „Micurà de Rü“ vëgn chësc dizionar inće dè fora por gherdëna: insciö podarà sides i mituns dla Val Badia co chi de Gherdëna tosc tó tles mans chësc bel liber che ti daidarà da passè de beles ores, da imparè se devertian. Le liber gnarà presentè al publich de jenà dl 2014.
Ann de pubblicaziun 2013
Parores de Moling Sara, dessëgns de Mutschlechner Gabi
140 Plates cun passa 1000 parores
4 lingac: ladin, talian, todësch y inglesc
Prisc 18.00€