Unverträglichkeiten y atri tiers de ciasa.
Unverträglichkeiten y atri tiers de ciasa.
La Uniun Ladins Val Badia á invié ai 07.10.2015 al monologh satirich de Simon Kostner tl'Ostaria Posta a Picolin. Dan da n bel publich unse podü passé na bela serada y se tó para spunc por la vita! Dilan al ospitalité dl Ostaria Posta!
Pelegrinaje Ladin
Pelegrinaje Ladin
Pelegrinaje Ladin da Sant Ujöp Freinademetz
La ULVB adöm al Union Generela di Ladins dla Dolomites à invié al Pelegrinaje tradizional che riunësc i ladins dles Dolomites.
La prozesciun é gnüda acompagnàda da pinsiers meditatifs, che se à portè cina dan la dlijia da Oies. Siur Pire Irsara à condüt la Santa Mëssa abelida dal cor di ëi da Badia.
La partezipaziun é stada valgamia numerosa, encer 100 pelegrins y 200 porsones presëntes ala funziun, desmostran insciö che la religiun é tresfora öna dles peres de fondamënta plü stersces dla Uniun.
Matinée culturala
Matinée culturala
N valgönes impresciuns dla matinée culturala en Lönesc de Pasca, tl Istitut Ladin Micurá de Rü a San Martin de Tor.
N danmisdé de musiga, cultura y aurela cörta… cun lapró üs da cufé, de bunes liagnes blances y n gote de vin!
Ala manifestaziun ál tut pert döes personalités dla cultura moderna de Fascia:
Manuel Riz, che á presenté le liber "Patofies".
La ciantauturia Martina Iori, davagnadëssa al SUNS y al Liet, dui festival musicai internazionai por i lingac de mendranza.
Por l'ocajiun él gnü stampé n valgönes copies de n’ilustraziun de Manuel Riz arjignada ca aposta por chësc dé. Les stampes é gnüdes fates a man da Emil Valentini cun la tecnica dla serigrafia.
Enrescida sun la prejenza dl ladin te gliejia tles valades ladines
Enrescida sun la prejenza dl ladin te gliejia tles valades ladines
Enrescida sun la prejenza dl ladin te gliejia tles valades ladines
Ai 15.02.2015 él ste la Uniun Ladins Val Badia che à daidé presentè la "Enrescida sun la prejenza dl ladin te gliejia tles valades ladines" scrita da Susan Rubatscher. En chësta ocajiun él ste deplü esperć sciöche le Dut. Paul Videsott, Siur Degan Iaco Willeit, Siur Iaco Ploner, Siur Eugen Runggaldier, che à tut pert y che à arichì le domisdé cun sü intervënć. La cornisc musicala é gnüda fata dal cuartet da San Martin de Tor.
