illustration.jpg
POSTER_Nade_2011_def.jpg
Pelegrinaje_3.jpg
Musical_placat-OK.jpg
ann_dl_bosch_13.jpg
Matinee_cultural_4.jpg
illustration.jpg

Marcè di libri


N liber é dagnora na bela scincunda

SCROLL DOWN

Marcè di libri


N liber é dagnora na bela scincunda

N marćé dl liber cun dötes les novitês editoriales dla Uniun di Ladins dla Val Badia y dl Istitut Ladin "Micurà de Rü" pitarà en sabeda ai 17 de dezëmber 2011, dales 14 ales 18, l'ocajiun da se chirì fora na scincunda da Nadè sön mosöra por vignun. Libri de vigni sort, CDs de musiga y DVDs cun films interessanć, gnarà metüs fora y al gnarà pité de bunes ocajiuns por chi che nen cumpra deplü,...
Dales 16.30 inant saràl inće Paul y Hilda Schuen y i Tlarineć da La Val che daidarà cherié na bela atmosfera da Nadè. Por i mëndri y i plü golusc saràl da podëi ćiarcé biscoti, tê, sofć ćialć y vin cöt.

06 de dezëmber 2011


POSTER_Nade_2011_def.jpg

Marćé da Nadé de la Spona


adöm cun la Uniun di Ladins Val Badia

Marćé da Nadé de la Spona


adöm cun la Uniun di Ladins Val Badia

Le marćé che vëgn bele tignì da tröc agn t'La Spona a Pidrô la pröma domënia d'Advënt é deventè n post d'incuntada dër aprijé da pici y gragn, dai amisc d'La Spona y da düć chi che chir y ô n pü' rové ite tl'atmosfera dl Advënt. Pro n tê ćialt y val' duciaria pon amiré i früć de mëisc de laûr y de preparaziun di lauranć cun sü maestri tla tiesceria, tla tistlaria, tla fujina y ti labors d'La Spona. Söl marćé él inće n pêr de mëses cun libri y publicaziuns dla Uniun Ladins Val Badia y dl Istitut Ladin Micurà de Rü. 

Söl program dl marćé, che döra dales 10.00 ales 17.00, saràl inće n pü' de aurela cörta cun Simon Kostner y musiga d'intratenimënt cun Paul y Hilda Schuen da La Val, dales 13.30 inant. Al paia dessigü la möia da jì a chësc marćé y da se lascè afasciné dal bel ambiënt d'La Spona y dla leteratöra ladina.

01 de dezëmber 2011


Pelegrinaje_3.jpg

Pelegrinaje a Baissenston


en domënia ai 25 de setëmber

Pelegrinaje a Baissenston


en domënia ai 25 de setëmber

L’ultima domënia de setëmber inviëia l'Uniun di Ladins dla Val Badia y l’Union Generela di Ladins dles Dolomites a tó pert al pelegrinaje tradizional di ladins a Baissenston. Chi che va a pé pëia ia en prozesciun dala Kehr de Deutschnofen, do le tru dles staziuns, dales 10.30 danmisdé. Dales 12.00 röion spo a Baissenston en prozesciun, olach’an s’incunta cun chi che é rovà ailò cun le bus o cun l’auto; la Musiga d’Ampëz sona a festa y al sarà n pice renfrësch por düć.

Dales 13.40 vëgnel spo tignì na prozesciun dala Ćiasa di Congrèsc demez ćina sö dal santuare de Santa Maria, olache le cor „Jogn en festa“ da Cortina ćiantarà n valgügn toć, denant ch’al mëtes man la mëssa zelebrada dal degan d’Ampëz, adöm cun d’atri proi.

 Dales 15.00 él spo ćiamò na pice conzert dla Musiga d’Ampëz y l’inauguraziun de na mostra de fotografies tla Ćiasa di Congrèsc, metüda a jì dal Istitut Ladin „Cesa de Jan“.

28 de setëmber 2011


Musical_placat-OK.jpg

Cuntra löm


n "musical" por jogn

Cuntra löm


n "musical" por jogn

Danter i 7 y i 16 d’aurì 2011 él gnü tignì sis rapresentaziuns dl musical „Cuntra löm“, n proiet invié ia dal Sorvisc ai Jogn dla Val Badia en colaboraziun cun d’atres uniuns y istituziuns dla valada; danter chëstes él inće stè la Uniun di Ladins dla Val Badia che à sostignì l’iniziativa.

Passa 50 jogn y jones da döta la valada à tut pert al proiet, meton bele man cun les proes de dezëmber dl 2010, insignà jö da porsones espertes de teater, coreografia, costüms, ćiantè y sonè. La poscibilité de fà para val’ de te’ ti à dè tröpa ligrëza y entusiasm ai jogn che à ciafè na buna ocajiun por imparè y por se mëte ala proa dan da n publich che é stè scialdi numerus pro vignöna dles rapresentaziuns.

Inće les tematiches tratades tl tòch i pitâ ai jogn la poscibilité de se dè jö y ponsè sura tröpes chestiuns y problems dla vita d’al dedaincö. Al ê porchël na poscibilité implü por i jogn y les jones da madorì y ciafè plü segurëza sön cer’ argomënć: le vire adöm tla sozieté o deboriada cun le partner, l’amizizia, la religiun, maraties y i.i. Ara nen jô porchël de realtês che n’é nia dagnora saurides da superé, olach’an adora aiüt, mo inće de soms, dejiers, ilujiuns y ligrëzes che fej la vita tan bela...

Pro i contignüs dl toch teatral â vignun la poscibilité de dì la süa, insciö él tres indô gnü adatè aladô dles esigënzes y dles idees di partezipanć y ala fin él garatè n bel suzès.

31 de agost 2011


ann_dl_bosch_13.jpg

Manifestaziun en ocajiun dl „ann dl bosch“


Manifestaziun en ocajiun dl „ann dl bosch“


En colaboraziun cun l’Ispetorat forestal da Bornech y l’Ofize Parcs Naturai à l’Uniun Ladins Val Badia metü a jì en vëndres ai 13.05.2011 na sëra d’informaziun söl tema „bosch“. Trëi referënć competënć (Gottlieb Moling, Renato Sascor y Ernst Detlef Schulze) à portè dant y ilominé a n publich interessè aspeć desvalis dl bosch y alzè fora elemënć che à incö na atualité particolara. Le publich rové adalerch à desmostrè che le tema „bosch“ é sintì danter la popolaziun y che an se tol a cör chësta ressursa naturala y so gran potenzial.
 
Le dé do, sabeda, él spo gnü invié a na escurjiun sön Börz por odëi dal vì de plü sorts de bosć: Gottlieb Moling, Renato Sascor y le prof. Schulze à sapü da dè n gröm de informaziuns y splighé l’ecosistem „bosch“ ćina ti detais plü soć. Por i interessà che à tut pert él stè na esperiënza unica y na ocajiun da imparè n gröm de cosses nöies sön nosc „vijin“ bosch, che i conesciun ... mo de chël che i podun tres ciamò imparè valch danü.

06 de jügn 2011


Matinee_cultural_4.jpg

Matinée culturala


en lönesc de Pasca

Matinée culturala


en lönesc de Pasca

  Matinée culturala en lönesc de Pasca

Matinée culturala en lönesc de Pasca

En lönesc de Pasca, ai 25 d’aurì danmisdé, mët la Uniun di Ladins dla Val Badia a jì, deboriada cun l’Istitut „Micurà de Rü” y l’Uniun di Paurs Jogn da San Martin, na matinée culturala cun n program interessant.

Tla sënta dl Istitut Ladin gnaràl impröma presentè na ligna de malietes cun manires de dì por ladin, cheriada da Emil Valentini y dada fora dala Uniun di Ladins dla Val Badia. Les malietes dess ester n ejëmpl modern de sciöche an po adorè le ladin inće pro la blanćiaria ...

Laprò saràl da odëi na mostra de üs intornà da Pio Rives. Por chi che à interès vëgnel inće pité n pice curs da scrinzoré üs da Pasca.

Intratan saràl spo inće l’ocajiun da tó pert a na gara da cufé metüda a jì dai paurs jogn da San Martin y por rové ia le danmisdé en buna compagnia, gnaràl dè fora liagnes blances y val’ da bëre. Al sona y ćianta: Chris Costa cun i Dirty Soul.

19 de aurì 2011