Le vëndres ai 16 d’otober él gnü tignì tla biblioteca de cité da Bornech na incuntada di cronisc dl raiun de Puster, pro chi ch’al alda ince i cronisc dla Val Badia. Te chësta ocajiun él gnü portè dant l’ativité desfirada ia por l’ann y presentè lineamënc dl program por le 2010. Por la Val Badia à tut pert Giovanni Mischì che à en cört presentè la cronica de val “Sas dla Crusc” y cuntè sö les ativitês che vëgn promoiüdes te chësc ciamp dal’Uniun di Ladins dla Val Badia. I cronisc de Puster à orü onorè te chësta gaujiun so colaboradù lezitënt Josef Sulzenbacher da Valdaora, diretur da denant dla scora mesana y storich local, che s’à fat mirit cun so laûr da cronist de paîsc. Süa inciaria é da püch gnüda surantuta da Maria Mutschlechner, bele cronista da San Sciomun. Ara ti à surandè na picia scincunda sciöche sëgn de aprijamënt por le laûr che Sulzenbacher à fat te tröc agn.