Comunicaziun por ladin te na dita artejanala

L’artejanant ladin á na storia lungia y marcanta, cun gran esperiënza che gno y vëgn dada inant dai geniturs ai mituns. Al ti á ince dé na mersdcia relevanta al lingaz y ala cultura ladina: insciö fej pert l’artejanat, dlungia le laur da paur y la famiglia, dl lessich ladin tradizional y respidlëia ince la cualité y la cuantité dla cultura materiala dles valades ladines. 

 

La jënt dl post aprijëia la comunicaziun por ladin cun l’artejan y l’artejana; chësc desmostra che le lingaz dla uma trasmët segurëza y familiarité. Avisa sciöche l’artejanat tradizional se á daurí cun i agn a aspec plü moderns, inscö él ince gnü a s’al dé desfides nöies en cun dl’aministraziun, dla gestiun y dla comunicaziun interna y esterna de na dita. Cun le svilup dla tecnologia á ince le ciamp dla comunicaziun aziendala fat de gragn vari: an se basëia tres deplü sön la forma digitala che nes pita na manira da lauré plütosc flessibla y che deura monns nüs. Por chestiuns legislatives y aministratives, mo sovënz ince por semplicité, se dëidon te chisc scaji ion cun lingac vijins: la comodité da ciafé danman modei y documënc te d’atri lingac y la mancianza de chisc por ladin, á porté pro che an s’á ausé da comuniché por talian o por todësch ince tla valada. Tres chësta racoiüda de formulars, modei y lëtres adöm cun n pice glossar che contëgn terminologia spezifica da adoré tla comunicaziun te na dita artejanala, orunse porchël presenté ejëmpli de coche le ladin pó gní adoré te chësc contest y dé n impuls da se daurí deplü a nosc lingaz ince tl monn dl artejanat. 

 
 

Dal ordin ala fatura

Ann de publicaziun 2016
28 Plates
Lingaz: ladin
Prisc 5.00€

Comana le liber ...