|
Publicaziuns 2011
|
|
Al sarà tosc dan man le liber nü „pontins y parores“ cun poesies de Teresa Palfrader, auturia da La Pli de Mareo. Les poesies é gnüdes scrites danter le 1980 y le 2010.
Tl liber n’eres nia arcunciades cronologicamënter, mo do cin perts. Cin dessëgns dl artist conesciü Franz Kehrer é metüs pormez ai capitui. Val’ poesia à la traduziun tl talian y/o tl todësch fata dal’auturia. Döes é les poesies todësces cun la traduziun por ladin. Le lingaz é ladin mareo ćiarè jö dal dr. Lois Craffonara. Le contignü dles poesies à da fà cun le vire da vigni dé, cun le monn da paur y l’ambiënt de paîsc, cun l’ester ëra al dedaincö y cun i monns che vignun/vignöna de nos cheriëia te süa imaginaziun. Le liber gnarà presentè, en ocajiun de n domisdé o de na sëra leterara, a chëra ch’i oresson bele sëgn invié nüsc leturs,... |
|
Ultim ajornamënt mertesc 17 de jenà 2012 09:35 |
|
|
Publicaziuns 2011
|
|
Conscidran l’importanza dl ćiantè tl lingaz dla uma, à i mëmbri dl Consëi dla Uniun tut sö contat cun porsones competëntes te chësc ćiamp, por odëi sc’ara foss jüda da cöie adöm les ćianties ladines conesciüdes tla Val Badia y da les scrì sö y ordiné, ponsan dantadöt inće a chi che ess messü fà le laûr pratich.
Al é porchël stè na gran fortüna da ciafè la desponibilité de chës porsones dla Val Badia, sciöche André Comploi, Iarone Chizzali, Bruno Rives, Tone Gasser y Stephan Ploner, che à na gran esperiënza y tröpa competënza por ći che reverda la musiga y i tesć de ćianties ladines. Cun so aiüt él gnü invié ia tl 2008 le proiet cun l’obietif de publiché na racoiüda dles ćianties ladines dla Val Badia te deplü volums.
Liber “Ćiantè ladin” da podëi platernè >> |
|
Ultim ajornamënt lünesc 23 de jenà 2012 14:53 |
|
Deplü...
|
|
Manifestaziuns 2011
|
|
 N marćé dl liber cun dötes les novitês editoriales dla Uniun di Ladins dla Val Badia y dl Istitut Ladin "Micurà de Rü" pitarà en sabeda ai 17 de dezëmber 2011, dales 14 ales 18, l'ocajiun da se chirì fora na scincunda da Nadè sön mosöra por vignun. Libri de vigni sort, CDs de musiga y DVDs cun films interessanć, gnarà metüs fora y al gnarà pité de bunes ocajiuns por chi che nen cumpra deplü,...
Dales 16.30 inant saràl inće Paul y Hilda Schuen y i Tlarineć da La Val che daidarà cherié na bela atmosfera da Nadè. Por i mëndri y i plü golusc saràl da podëi ćiarcé biscoti, tê, sofć ćialć y vin cöt.
Placat dla manifestaziun
|
|
Ultim ajornamënt mertesc 06 de dezëmber 2011 07:53 |
|
Manifestaziuns 2011
|
 En la pröma domënia d’Advënt à la Uniun di Ladins dla Val Badia indô tut cun plajëi l’ocajiun da podëi mëte a jì le marćé da Nadè deboriada cun i colauradus d’ La Spona da Pidrô y cun l’Istitut Ladin “Micurà de Rü”. Chësc trio organisatif à sciöche bele ti agn passà indô invié ia le marćé tradizional, portan indô ite de plü novitês che à daidé cherié na bela atmosfera. L’autur y atur de teater y cabaret Simon Kostner da Corvara ti à te chësta ocajiun cuntè a pici y gragn na storia da Nadè che dô fà ponsè sura por imparè da aprijé de plü ći ch’an à. |
|
Ultim ajornamënt domënia 04 de dezëmber 2011 17:51 |
|
Deplü...
|
|
Manifestaziuns 2011
|
|
Le marćé che vëgn bele tignì da agn t'La Spona a Pidrô la pröma domënia d'Advënt é deventè n post d'incuntada dër aprijé da pici y gragn, dai amisc d'La Spona y da düć chi che chir y ô n pü' rové ite tl'atmosfera dl Advënt. Pro n tê ćialt y val' duciaria pon amiré i früć de mëisc de laûr y de preparaziun di lauranć cun sü maestri tla tiesceria, tla tistlaria, tla fujina y ti labors d'La Spona. Söl marćé él inće n pêr de mëses cun libri y publicaziuns dla Uniun Ladins Val Badia y dl Istitut Ladin Micurà de Rü.
Söl program dl marćé, che döra dales 10.00 ales 17.00, él i dui clown, Merendina y Sälly, che pîta momënć da ri por pici y gragn, dales 14.00 inant. Al paia dessigü la möia da jì a chësc marćé y da se lascè afasciné dal bel ambiënt d'La Spona y dla leteratöra ladina.
|
|
Ultim ajornamënt jöbia 01 de dezëmber 2011 18:53 |
|
|
|
|
<< Start < Denant 1 2 3 4 5 6 7 8 9 10 Suandënt > Fin >>
|
|
Plata 1 de 13 |
