Tres chësta publicaziun de Gustav Willeit, me sënti invié da m'archité, por conscidré le momënt, la unizité y le paraisc te chël ch'i viun. L'opera é na seleziun de laurs fac ti ultims 10 agn cun indöt 254 fotografies. La belëza de nostes munts pón descrí cun parores, mo l'efet de na imaja é desfarënt y plü davert a düc. I un aldedaincö la poscibilité da jí sura i confins culturai y teritoriai fora, por chirí metodes nöies de svilup y renforz: cun ambiziun podunse superé nüsc confins, esploran y portan le ladin fora por le monn, jon impara cun l'andamënt dl tëmp, valutan i prighi y les oportunités por la realté ladina. Chisc pinsiers sënti fora ince tres les fotografies de Gustav Willeit: te na pröma pert de sü laurs vëigon n lian sterch cun le teritore ladin, sot a sconanza dl'UNESCO, y te na secunda le confrunt cun le monn estern. La Uniun Ladins Val Badia ciara da trá sö na cosciënza ladina tres le daidé, le fá maiú y le defëne de nosc lingaz, nosta cultura, nostes usanzes y tradiziuns. Le teritore fej pert y é n elemënt de importanza basilara por le monn ladin. N dilan sinzier a Gustav Willeit por so contribut al renforz y svilup dl'identité ladina.
0616 Gustav willeit
Ann de publicaziun 2016
380 Plates
250 Foto
Lingac: ladin, talian, tudësc, inglesc
Prisc 52.00€