concurs de composiziuns sacrales por cors

Le concurs de composiziuns sacrales é n proiet dl grup de laur che é tl arjigné ca la publicaziun dl terzo liber de cianties ladines (Cianté Ladin III: cianties sacrales por cors). Cun chësta iniziativa oressun promöie n ampliamënt dl repertore sacral. Por informaziuns plü avisa, daurí le regolamënt. 



concorso di composizioni sacrali per cori

Il concorso di composizioni sacrali per cori è un progetto del gruppo di lavoro che si occupa della pubblicazione del terzo volume dedicato alle canzoni ladine (Cianté Ladin III: cianties sacrales por cors). L’iniziativa si prefigge di ampliare il repertorio sacrale in lingua ladina. Per informazioni più dettagliate consultare il regolamento. 



Wettbewerb für ladinischsprachige geistliche Chorkompositionen

Der Wettbewerb für ladinischsprachige geistliche Chorkompositionen ist ein Projekt der Arbeitsgruppe, welche an der Veröffentlichung des dritten Bandes der den ladinischen Liedern gewidmeten Serie arbeitet (Cianté Ladin III: cianties sacrales por cors). Ziel dieser Initiative ist es, das sakrale Repertoire in ladinischer Sprache auszuweiten. Alle weiteren Informationen dazu finden Sie im Reglement. 

 

Tesć che an pó tó por les composiziuns - testi facoltativi con aiuto metrico - texte mit metrischer hilfe

 

 

 

REGOLamënt dl ConcurS


art.1 – promotur y argomënt
La Uniun Ladins Val Badia (ULVB) mët a jí n concurs de composiziuns sacrales ladines por cors .

ULVB: Str. Stufles 20, 39030 San Martin de Tor, Talia – Balsan
Codesc fiscal 81009010216; Telefon +39 349 21 50 164; info@uniunladins.it
https://www.uniunladins.it/
 

art.2 - finalités
Le concurs se tol dant trëi obietifs prinzipai: promöie la composiziun de cianties por cors cun tesć ladins, valorisé la creativité musicala tl ciamp dla musiga sacrala y amplié le repertore di cors de dlijia. Aldefora di pröms trëi pesć, valutará la iuria les cianties menades ite ince por chirí fora chëres che gnará publicades tl terzo volum de cianties ladines, che é tl gní lauré fora dal grup de laur (Iarone Chizzali, André Comploi, Tone Gasser, Bruno Rives) che á bele publiché Cianté ladin y Cianté ladin en compagnia, dá fora dala Uniun di Ladins Val Badia.


art.3 - regolamënt por tó pert
I partezipanc pó mené ite da öna a trëi cianties sacrales che ëi á componü (la pert musicala) y che n’é nia ciamó gnüdes publicades o rapresentades publicamënter. Al pó sambëgn ince gní metü en musiga tesć ladins che é gnüs scric y publicá sot a melodies forestes (de compositurs nia ladins). Aranjamënc nüs de melodies esistëntes/conesciüdes n’é nia lasciades pro.

Les cianties mëss gní dades jö anonimamënter sön papier o en forma digitala sön n CD/DVD. L’inom dl componist y les atres informaziuns sura ël vëgn scric sön le modul de iscriziun, ch’an pó se desćiarié dal sit dla Uniun y che vëgn metü te na busta a pert, ite te na busta che contëgn döt l’ater.
 

art.4 – cianties
Les cianties (nia operes complesses sciöche orators o cantates) pó ester por cors moscedá, por cors de ëres o cors de ëi, a trëi/cater o deplü usc, cun o zënza acompagnamënt stromental, cun o zënza perts solistiches.
Al pó ince gní presenté composiziuns che tol ite la comunité cun strofes alternades o cun n refrain.
Le stil da adoré é tla dezijiun lëdia dl compositur (tonn popolar, stil romantich, composiziun polifonica, atonala ...). Le livel dles cianties dess ester saurí o mesan, aladô che ince cors nia-profescionisć sides bugn da les cianté.

I tesć é lëdi, mo sce le componist oress, pól nen chirí fora de na lista che vëgn metüda a desposiziun dai promoturs (da ciafé sön le sit dla uniun - cun l’indicaziun dla metrica).

Por i tesć pól gní adoré öna dles variantes dl Ladin dla Val Badia.
 

art.5 - termins
Les cianties mëss gní dades jö por posta cina ai 30 de jügn 2018 (al vel le stëmpl dla posta).
 

Art.6 – valutaziun
Dötes les operes gnará valutades da na iuria nominada dai promoturs. Chësta fajará na tlassifica aladô de süa sensibilité y esperiënza artistica adoran criters sciöche l’idea/l’originalité musicala, la cualité dl’aranjamënt, la relaziun danter test y musiga, les poscibilités de realisaziun. Le iudize ne pó nia gní contesté.
 

Art.7 - premiaziun y pesć
Chi che davagna gnará contatá por la fin d’agost 2018 cun i mesi che ëi á dé dant tl modul de iscriziun y al gnará ince publiché tla Usc di Ladins.

La premiaziun gnará fata pro la presentaziun dl liber Cianté Ladin III: cianties sacrales por cors (la data gnarà comunicada plü tert) - an ciararà da organisé na raprejentaziun dles cianties premiades.
I pesć che gnará surandá: 1. pest – 1.000 €, 2. pest – 750 €, 3. pest – 500€.
 

Art.8 – dërc de autur
I dërc de autur resta proprieté dl componist; ai dá jö ai promoturs le dërt de publicaziun y renunziëia ai davagns che gníss dai dërc dl autur.