Le liber ZACAN TLA VAL BADIA, dé fora l'ann 1983 dala Uniun di Ladins dla Val Badia, á albü n gran suzès y n'é bele dî nia plü da ciafé. Dèach'al ê tres zacai che damanâ dô chësc liber, á al Uniun di Ladins tut la dezijiun da dé fora na 2. ediziun, t'en numer plü limité.
I tröc retrać vedli, imprestá cáda plü porsones, é n spidl tler dla vita da plüdadî te nosta valada. I podun odëi nüsc paîsc sciöch'ai ćiara fora dân da 80-100 agn, cotan denant ch'al rovass inće te nosta valada le gran svilup dl turism, I vedli retrać é inće na documentaziun de gran valüda por nosta generaziun y por les generaziuns che vëgn dô. Üsanzes y tradiziuns, i laûrs da paur fora por les sajuns dl ann, i mistíers da n iade ch'é incö bele in pert morć fora, i bi guanć da zacan y les condiziuns de vita da plüdadî á nüsc vedli fotografs fermé tl tëmp, nes lascian indô n patrimone storich-cultural de gran interès y de gran valüta. Por nos é i retrać en documënt vi che mostra sö, sciöche nüsc nêni viô, laorâ, se vistî, fajô festa.

Ann de publicaziun 1. ediziun 1983, 2. ediziun 1992
Parores de dr. Lois Trebo
275 Plates
Lingaz: ladin
Prisc 17,00€

Comana le liber ...