Pelegrinaje a Baissenston en domënia ai 26 de setëmber 2010

L’ultima domënia de setëmber inviëia l’Union Generela di Ladins dles Dolomites a tó pert al pelegrinaje tradizional di ladins a Baissenston, adöm cun i ladins dles atres valades. Chi che va a pé pëia ia en prozesciun dala Kehr de Deutschnofen, do le tru dles staziuns, dales 11.00 danmisdé. Dales 12.30 s’incuntun cun i pelegrins dles atres valades ladines; la Musiga da La Pli de Mareo sona a festa y al sarà n pice renfrësch por düć.

Dales 13.40 vëgnel spo tignì na prozesciun dala Ćiasa de cultura demez ćina sö dal santuare de Santa Maria, olache le Cor Exultate de Sëlva ćiantarà n valgügn toć, denant ch’al mëtes man la mëssa zelebrada da siur Vijo Pitscheider, adöm cun d’atri proi.

Dales 16.00 él spo ćiamò na picia marëna por chi che ó tl self-service dla ostaria por i ghesć y chi che l’à apostada.

26 de setëmber 2010