Do n’idea de Max Castlunger da San Martin él gnü portè a fin le proiet dal titul „La roda dl monn te 80 tambürli“. Le jonn protagonist dla storia pëia ia dala Val Badia y roda jö döt le monn, passan da n continënt al ater, cun la ferata, le fliegher, le camel... Dlunch olach’al röia vëighel cosses nöies, alda le sonn de stromënc, i versc di tiers plü strambi. Por descedè la fantasia y la curiosité di mituns y di jogn él gnü tut sö na CD olache le jonn cunta süa storia y sües aventöres.

La CD i fej da cornisc al bel liber che contëgn tesć y cotan de dessëgns demorvëia dl’artista jona da San Ćiascian Maria Pezzedi. Le liber y la CD “La roda dl monn te 80 tambürli” é dedicà ai mituns bele n pü’ plü gragn, mo inće ai jogn y ai adulć che po descedè süa fantasia, ascutan la storia y i sonns, o magari inće val’ recort personal de n bel iade.

Ann de publicaziun 2010
Parores de Max Castlunger
506 Plates
Lingaz: ladin
Prisc € 25,00€

Comana le liber ...