|
 Ai 10 de dezëmber él gnü presentè tl Istitut Ladin „Micurà de Rü“ a San Martin le CD nü dal titul „Vëia de Nadè“. Les ćianties tutes sö da Christine y Johanna Trebo y da Maria Kostner, dötes trëi da San Martin, adöm cun so maéster de musiga Bruno Rives, ti é atira jüdes a cör ales passa 200 porsones rovades adalerch ala presentaziun. Les jones che formëia le terzet „Trëi Usc“ vëgn fora de families musicales por tradiziun y insciö à inće ëres dagnora albü ligrëza da ćiantè, bele da piceres insö. Sciöch’al é gnü splighé tratan la presentaziun, vàres ëres der cer’ val’ n pü’ cuntra tendënza, ćiantan por ladin impéde che por ingleje. Mo chësc fat alza fora ćiamò deplü la ligrëza che ëres à cun so lingaz y la valüta che ares ti dà. Cun usc fines y sigüdes é les trëi jones bunes da trasmëte n sentimënt vì y sot che passenëia te nüsc paîsc y te nostes ćiases y che dëida cherié chël’atmosfera da Nadè ch’an sënt tres demanco.
|
|
Deplü...
|
|
|
 En domënia, la pröma d'Advënt, él gnü tignì a Pidrô tl Salf Laûr Protezionè "La Spona" indô le marćé da Nadè che tira adalerch vigni ann tres deplü jënt, dantadöt families cun mituns. Sön marćé tomâ tl edl dantadöt i produć d'arjila gnüs fać dai jogn d'La Spona cun l'artista Irina Tavella: copes, löms, inzenjares, cianês dl Bambin y d'atres massaries. I banć dl marćé ê implis fora scialdi da laûrs fać tl salf a Pidrô: tapeć, massaries de lëgn: ćiadins, copes y patüć da fà la belëita, chedri y chertes da Nadè, gherlandes d'Advënt, laûrs creatifs cun lignan vedl y ornamënć de vigni sort. Döt cant se tolô fora dër bun te n bel ambiënt olach'an podô rodè da n stond al ater y olache i artejans lezitënć dla Spona podô odëi sciöche sü produć gnô aprijà y cumprà.
|
|
Deplü...
|
|
 La jöbia ai 10 de dezëmber dalaes 18.00 presentarà la Uniun di Ladins dla
Val Badia, adöm cun l'Istitut "Micurà de Rü", la CD "Vëia de Nadè" cun
melodies scrites da Bruno Rives da Picolin y ciantades dales "Trëi usc":
Christine y Johanna Trebo y Maria Kostner. Düc é dër bel invià da gnì ...
|
 En la pröma domënia d’Advënt, ai 29 de novëmber, mët la Uniun di Ladins a jì deboriada cun la Spona – Salf laûr protezionè da Pidrô, n marcé da Nadè olach’al gnarà pité de vigni sort de bel patüc che i jogn dla Spona à arjigné cà y laprò ince de bi libri che é dagnora ince na bela scincunda da Nadè por pici y gragn. Le marcé gnarà tignì dales 10 danmisé cina les 17 da sëra. Danter ite, dales 14 gnaràl presentè 4 libri da stories nüs y laprò i CDs olache i mituns po ince s’ascutè sö da susc les stories cuntades. Düc é dër bel invià da gnì a ciarè, a cumprè y a stè n pü’ en compagnia!
|
|
 Le vëndres ai 6 de novëmber à Lois Trebo podü pié do na onoranza da pert de Margot Pizzini, rapresentanta dl Archif Provinzial, y dl’assessuria Sabina Kasslatter Mur por sü miric sciöche cronist dla Val Badia. Tröc agn é Trebo stè mëmber dla Uniun di Ladins dla Val Badia y dl’Union Generela, de chëra ch’al é ince stè presidënt, redadù de La Usc di Ladins y colaboradù pro la cronica dla Val Badia “Sas dla Crusc”. Te chisc ultims agn àl scrit cotan d’articui sura porsones, personalitês y cosses sozedüdes tles valades ladines.
|
|
Deplü...
|
|
|
|
|
<< Start < Denant 1 2 Suandënt > Fin >>
|
|
Plata 1 de 2 |
Manifestaziuns 
