Les iscriziuns ala Uniun di Ladins dla Val Badia é davertes a düc chi che à interès da sostegnì la Uniun y les iniziatives culturales che ara mët a jì ti paîsc dla Val Badia. Por i mëmbri dl Consëi se tratera dantadöt de ciafè n sostëgn moral y n’aprovaziun dl’ativité che vëgn portada inant.

Por chi che ne sa nia ciamò ci che la Uniun fej pòn dì en cört che ara se crüzia de dè fora publicaziuns scrites por ladin y CDs cun cianties ladines tignon cunt de vigni grup d’été (mituns, jogn, adulc, porsones atëmpades) y de mëte a jì manifestaziuns culturales de vigni sort (conzerc, presentaziuns de libri, mëses torones y i.i.) Laprò sostëgn la Uniun artisc y scriturs jogn, cors y grups musicai che adora na sbürla por pié ia cun süa ativité.

Paian ite n contribut de 10 Euro ciafon la tessera dla Uniun di Ladins che vel por n ann y che da le dërt de ciafè na reduziun dl 20% sön les publicaziuns dades fora dala Uniun (za. 7-8 al ann). I mëmbri scric ite pò to pert ala riuniun generala che vëgn tignida n iade al ann y ciafa n iade al ann na informaziun detaliada sura l’ativité portada a fin. I mëmbri pò to pert ala riuniun generala, lité le consëi y gnì lità te consëi.

Informaziuns plü detaliades ciafon te chësc sit o scrion na
e-mail a: Chësta misciun e-mail é sot a proteziun dl spam bot. Abilitëia Javascript por l'odëi.

Fa la iscriziun!