La Uniun Ladins dla Val Badia presentëia n stüde ambizius fat en colauraziun cun le Max Planck-Institut da Jena söl bosch da lersc tla val da Lungiarü. La presentaziun dla verjiun taliana dl liber sarà en sabeda ai 07.08.2010 dales 16:00 tla plaza dla vila da Seres a Lungiarü.

Tla Val Badia, mo inće te d’atri posć de Südtirol, â dandaia i larjëis (= bosć da lersc) na gran importanza y gnô sfrutà te n gröm de formes. Incër les viles ia y sö por les tëmples a sorëdl determinëia i larjëis inće incö ćiamo la contrada da paur tradizionala de nüsc paîsc y é porchël na dërta particolarité paesajistica.
La storia dla jënt y la storia dl bosch ne se lascia nia despartì. Dantadöt tla contrada medievala tolô ite le bosch na posiziun importanta: ann por ann se dô i colonisadus da fà por ti tó al bosch spersa da trasformè te ćiampoprè. Tres l’ejëmpl di larjëis da Lugiarü mostra sö i auturs, sciöche chësta sort de bosch é nasciü y sciöch’ al gnô sfruté tl passè, por de vigni sort de fins: sciöche pastöra y pre da munt, por la ćiacia, por erbes da medejina y früć salvari, por le lignan y la lëgna, por borjé ćiarbun, por les ês y n gröm d’ater.

INVIT

Le liber metü adöm sön scomenciadia de Giovanni Mischì y ilustrè cun i dessëgn carateristics de Roswitha Asche sciöche inće en colauraziun cun le Max Planck Institut da Jena (consulënza scientifica), rapresentëia na inrescida daldöt nöia sura i bosć da lersc che gnô bele zidlà ti pröms tëmps dla colonisaziun dla Val Badia.

Cornisc musicala: chris costa & compagns

Por le plajëi dl palat: spezialitês dla ćiasadafüch de Irma

Düć é dër bel invià!

INVIT

Un di tröc dessëgns de Roswitha Asche.