|
Manifestaziuns 2010
|
|
 En sabeda, ai 07.08.2010 à la Uniun Ladins dla Val Badia presentè tla plaza da Seres la verjiun taliana dl stüde ambizius söl bosch da lersc tla val da Lungiarü. Tla Val Badia, mo inće te d’atri posć de Südtirol, â dandaia i larjëis (= bosć da lersc) na gran importanza y gnô sfrutà te n gröm de formes. Incër les viles ia y sö por les tëmples a sorëdl determinëia i larjëis inće incö ćiamo la contrada da paur tradizionala de nüsc paîsc y vêl porchël sciöche na dërta particolarité paesajistica. Tres l’ejëmpl di larjëis da Lugiarü mostra sö i auturs, sciöche chësta sort de bosch é nasciü y sciöch’ al gnô tl passè sfruté, por de vigni sort de fins: sciöche pastöra y pre da munt, por la ćiacia, por cöie erbes da medejina y früć salvari, por le lignan y la lëgna, por borjé ćiarbun, por les ês y n gröm d’ater. |
|
Ultim ajornamënt mercui 11 de agost 2010 09:53 |
|
Deplü...
|
|
|
Manifestaziuns 2010
|
|
La Uniun Ladins dla Val Badia presentëia n stüde ambizius fat en colauraziun cun le Max Planck-Institut da Jena söl bosch da lersc tla val da Lungiarü. La presentaziun dla verjiun taliana dl liber sarà en sabeda ai 07.08.2010 dales 16:00 tla plaza dla vila da Seres a Lungiarü. Tla Val Badia, mo inće te d’atri posć de Südtirol, â dandaia i larjëis (= bosć da lersc) na gran importanza y gnô sfrutà te n gröm de formes. Incër les viles ia y sö por les tëmples a sorëdl determinëia i larjëis inće incö ćiamo la contrada da paur tradizionala de nüsc paîsc y é porchël na dërta particolarité paesajistica.
La storia dla jënt y la storia dl bosch ne se lascia nia despartì. Dantadöt tla contrada medievala tolô ite le bosch na posiziun importanta: ann por ann se dô i colonisadus da fà por ti tó al bosch spersa da trasformè te ćiampoprè. Tres l’ejëmpl di larjëis da Lugiarü mostra sö i auturs, sciöche chësta sort de bosch é nasciü y sciöch’ al gnô sfruté tl passè, por de vigni sort de fins: sciöche pastöra y pre da munt, por la ćiacia, por erbes da medejina y früć salvari, por le lignan y la lëgna, por borjé ćiarbun, por les ês y n gröm d’ater. INVIT |
|
Ultim ajornamënt jöbia 29 de messè 2010 07:06 |
|
Deplü...
|
|
Manifestaziuns 2010
|
|
La Uniun Ladins Val Badia à metü a jì en colaboraziun cun le Museum Ladin ćiastel de Tor y la lia Cultura da Munt na mostra interessanta de guanć da zacan y da paur che fej pert dla coleziun privata de Irma Trebo da San Martin. La troht, che vëgn al dédaincö plü co ater vistida dai mëmbri de uniuns sciöche les musighes, i cors de dlijia y i grups da bal y da ëres che à dötaorela ćiamò ligrëza da tignì alalt les tradiziuns da zacan, va derevers al’eté medievala. Por cënć d’agn é la troht, a chëra ch’al i vëgn val’ iade inće dit „guant da zacan“, stada le guant da festa dla jënt de nosc raiun. Ala fin dl Otcënt, canch’an à metü man de se daurì n pü’ deplü ales novitês che gnô da foradecà, ân metü man de adorè draps y pezes plü fines, de fà guanć plü lisiers y da stè saurì. A chë moda à inće la jënt dla Val Badia metü man de adorè tres plü gonot guanć che gnô inlaôta aratà „moderns“, a chi ch’an i dij „guanć da paur“. |
|
Ultim ajornamënt mercui 28 de messè 2010 14:38 |
|
Deplü...
|
|
Manifestaziuns 2010
|
|
Le lönesc ai 19 y ai 26 de messè, dales 20.00, mët la Uniun di Ladins a jì tl Museum Ladin Ciastel de Tor a San Martin na mostra de troht y de guanc da zacan dla Val Badia, che vëgn en pert ince vistìs al dédaincö en ocajiun de festes de dlijia o manifestaziuns culturales de majera importanza. I guanc metüs fora fej pert dla coleziun privata de Irma Trebo da San Martin de Tor y te trames les ocajiuns gnaràl splighé plü avisa les carateristighes di guanc y sciöche an s'ai vistî aladô dla tradiziun. L'Uniun Bal Popolar dla Val Badia, che dëida mantignì inant la tradiziun dles troht, tignarà tl ambit dla daurida, le lönesc ai 19 de messè, na bela rapresentaziun cun deplü bai. Düc é dër bel invià!
INVIT
|
|
Ultim ajornamënt mercui 14 de messè 2010 15:51 |
|
Publicaziuns 2010
|
Al é oramai passè 33 agn da canche la Uniun di Ladins dla Val Badia à dè fora le pröm numer dl „Sas dla Crusc“. Impröma êl plü co ater n sföi olach’al gnô publiché tesc de vigni sort, scric por ladin. Al n’ê porchël nia n liber de cronica, mo plütosc n sföi de ladin. Intratan é le liber chersciü tres deplü y é cun le tëmp deventè le liber olach’al vëgn scrit sö y documentè cun fotografies la vita dla comunité y i avenimënc plü importanc che é sozedüs l’ann denant te nüsc paîsc, mo ince les ativitês de istituziuns, uniuns y de singoles porsones. En chësc ann röia le liber sön 624 plates y é gnü stampè te za. 1500 copies.
|
|
Ultim ajornamënt mercui 09 de jügn 2010 08:34 |
|
Deplü...
|
|
|
|
|
<< Start < Denant 1 2 3 4 5 6 7 8 Suandënt > Fin >>
|
|
Plata 1 de 8 |
