Checco ... y la turta da res ghei

Storia te trëi lingac cun laprò ativitês y jüć por de pici mituns

 

La storia de Checco

La Uniun Ladins Val Badia à tut sö la proposta da dè fora n liber por mituns da 0 a 3 agn. La storia de Checco é nasciüda tla stüa dla Ćiasa di Pici a Badia.I mituns é sta i ispiradus dl contignü dl liber y à chirì fora danter deplü poscibilitês a desposiziun l’inom dl protagonist sciöche inće so ćiarè fora. Les auturies dl liber é Gigliola Thaler y  Elisa Obwegs.Tl liber él deplü ativitês da podëi fà cun i mituns, liades ala storia de Checco y a vignöna, sciöche inće a vigni vare dla storia, él lié n aspet pedagogich. Le liber é te trëi lingac: ladin, talian y todësch.

Presentaziun dl liber y referat cun la pedagoga Dorigatti

La presentaziun é ai 25 d’otober dales 15 tla biblioteca Sas dla Crusc a La Ila. Por la presentaziun él gnü invié adalerch la pedagoga Dorigatti, che baiarà sura l’importanza dl lì y dl cuntè stories deboriada cun i mituns. Tratan le referat él i geniturs che po ti surandè i mituns a n valgönes educadësses cun chëres che ai fajarà jüć. Do le referat gnaràl fat n work-shop cun i mituns y i geniturs por porvè fora ativitês y la pedagoga spligarà sües funziuns pedagogiches.

Le liber gnarà presentè dales döes auturies Gigliola Thaler y Elisa Obwegs.
La presentaziun vëgn metüda a jì en colaboraziun cun la biblioteca Sas dla Crusc.