Conzert y presentaziun dla CD nöia dl cor „cantus iuvenis“

Le cor da Vìena „cantus iuvenis“ festejëia so iubileum de 10 agn te Südtirol cun dui conzerć sot al titul „Sonnsdemesaisciöda – Mittfrühlingsstimmen“. Le pröm conzert, che vëgn sostignì dala Uniun di Ladins dla Val Badia sarà en vëndres ai 31 de mà, dales 20.00, tla Ćiasa Jan Batista Runcher a Badia, le secundo en sabeda, ai 1. de jügn tl Salf Parzival dl Vinzentinum a Porsenù.

Les ćiantarines y i ćiantarins dl cor internazional cun de plü mëmbri ladins, röia por la setima ota te Südtirol y inviëia – sot la direziun de André Comploi d’Al Plan de Mareo – a n conzert d’aurela cörta olach’al gnarà presentè tòć de deplü epoches, stils musicai y lingac – sambëgn inće ćianties ladines. I conzerć mëtarà man cun na pröma pert sacrala (Dlijia da San Linert – Dlijia dl Vinzentinum) y se rovarà cun na pert d’aurela cörta te salf (Salf Jan Batista Runcher a Badia – Salf Parzival tl Vinzentinum). Tl cheder di conzerć gnaràl inće presentè le CD dl cor „Cil y tera – Himmel und Erde“.

L’entrada é debann, na spënora de buna man é bëgnodüda.

Informaziuns plü menüdes: www.cantusiuvenis.at

21 de mà 2013