Colaboraziun danter la Uniun Ladins Val Badia y la biraria ”Biraria Monpiër”, por na bira che ”baia” Ladin.

La Uniun di Ladins dla Val Badia en colaboraziun cun la biraria ”Biraria Monpiër” de Urtijëi, é piá ia cun n proiet particolar, chël dla ”Bira Ladina – naturala sciche les Dolomites”.

La bira luminosa nia pastorisada y nia filtrada cunta te sües 9 etichetës pilores de storia di ladins dles Dolomites. Les etichëtes realisades dal fascian Manuel Riz é acompagnades da na descriziun storich-culturala te 3 lingac (ladin, todësch y talian).

Da ciafé da Osc fornidú de boandes de valada o sön la plata internet www.biraladina.it