Ann de scora 2016/17

Ann de scora 2015/16

Ann de scora 2014/15

Ann de scora 2013/14


L’isté é impormò metü man y tratan che scolars y insegnanć po n pü’ palsè, s’à la Uniun bele cruzié de arjigné l’ajënda de scora por l’ann che vëgn. Le pice sföi che gnarà stampè sura l’isté é indô garatè, cun jüć y dessëgns originai arjignà ca dal’artista Sofia Triggiano d’Al Plan de Mareo.

I se confortun porchël bele sëgn da podëi ti al surandè ai insegnanć, mo dantadöt ai pici scolars dles elementares che l’à dër ion. Por ëi él n stromënt de laûr important, por se scrì sö i compić, i impëgns y i apuntamënć dl ann de scora, mo inće dötes les cosses importantes ch’ai mëss se recordè. L’ajënda dess i acompagné tratan döt l’ann de scora, tl tëmp dles vacanzes che ai po passè sciöche ai ô y tl tëmp di impëgns, dl dovëi y dles responsabilitês.

Blanch y Fosch, i dui mandli dl planët dalunc tl univers, acompagnarà en chësc ann scolars y insegnanć fora por bosch, por i daidé conësce plü daimprò la natöra y le monn di tiers. Ai ti mostrarà olache le cerf, le rehl, le lu, le düle, les teciores vir y te spligarà sciöche vigni tier se comporta y ći ch’al mangia. Dedô podarà spo vignun porvè da fà daimproìa i jüć y respogne ales domandes y ai stomać che é da ciafè tl’ajënda, por odëi sc’al conësc i tiers y so ambiënt de vita.

 L’ajënda gnarà partida fora a düć i scolars, ales insegnantes y ai insegnanć dles scores elementares dla Val Badia cun le mëteman dl ann de scora 2013/2014. L’iniziativa vëgn realisada cun le sostëgn dla Provinzia autonoma da Balsan y dla Cassa Raiffeisen Val Badia a chi ch’al ti va n bel dilan!

Vëgn publiche vigni ann